Stangaveiðifélagið Flúðir

Stangaveiðifélagið Flúðir á Akureyri er leigutaki Fnjóskár og hefur leigt stangaveiðiréttindin óslitið frá 1969 af Veiðifélagi Fnjóskár.

Í Fnjóská veiðist lax, sjóbleikja og stöku urriði. Veiði er best í neðri hluta árinnar snemmsumars en um og upp úr miðjum júlí er að jafnaði farið að veiðast á öllum svæðum.

Flúðir eru einnig leigutaki Fjarðarár í Hvalvatnsfirði þar sem uppistaðan er sjóbleikja en einstaka sinnum veiðist einnig lax og sjóbirtingur á svæðinu. Undanfarin ár hefur byrjað að veiðast á ósasvæðinu þegar vorleysingar eru afstaðnar og orðið er bílfært á svæðið en athugið að það getur dregist fram eftir sumri eftir snjóþunga vetur.

Fréttir og tilkynningar

22 maí 2018

Fimmtudaginn 31. maí verður haldin kynning á Fnjóská á vegum Stangaveiðifélags Akureyrar og Stangaveiðifélags Flúða í Deiglunni í Listagilinu. Kynningin hefst klukkan 20:00.

Sigþór Gunnarsson kynnir ána fyrir gestum en hann hefur veitt í Fnjóská um árabil. Flúðir verða með tilboð í tengslum við veiðileyfi í ánni og SVAK bíður gestum uppá veitingar í föstu og fljótandi formi.

Vonumst til að sjá sem flesta.
Stjórn SVAK og Flúða


22 maí 2018

Nú um liðna helgi var farið í að dreifa seiðum í tjarnir víða við ána. Farið var með um 5.000 seiði í tjörn við Nes, um 5.000 í tjörn við Árbugsárós og um 5.000 í tjörn við Skarð.

Stefnt er á að fara svo með um 4.000 seiði í tjörn við Skuggapolla og eftir það verða um 6.000 seiði í tjörninni á Draflastöðum sem stendur við veiðistaðinn Sandinn.

Fljótlega verður svo dreift seiðum til viðbótar sem koma frá Laxamýri og verða þau þá sett í tjörn við Steinkirkju og Vatnsleysu.

Þannig að seiðum verður dreift alls í 7 eða 8 tjarnir víða um ána nú á vordögum og þegar þau fara að smolta verður þeim hleypt út í ána og til sjávar.



Veiðileyfi

Fnjóská
20 jún. 2018
1 stöng á svæði 1 eftir hádegi
Verð: 20.700 kr. - Stangir: 2
21 jún. 2018
1 stöng á svæði 1 fyrir hádegi
Verð: 20.700 kr. - Stangir: 2
22 jún. 2018
1 stöng á svæði 1 eftir hádegi
Verð: 21.850 kr. - Stangir: 2

Fnjóská - Svæði 5
25 jún. 2018
1 stöng í einn dag
Verð: 5.750 kr. - Stangir: 2
26 jún. 2018
1 stöng í einn dag
Verð: 5.750 kr. - Stangir: 2
27 jún. 2018
1 stöng í einn dag
Verð: 5.750 kr. - Stangir: 2